बेइजिङ, चीन । प्रधानमन्त्री पुष्पकमल दाहाल प्रचण्डले आज र भोलि चीनको बेइजिङमा उच्चस्तरीय भेटवार्ता गर्नुहुने भएको छ ।
साताव्यापी औपचारिक भ्रमणका लागि उहाँ हिजो चीनको हाङचौ पुग्नुभएको थियो ।
१९ औँ एसियाडको उद्घाटन समारोहमा सहभागी हुनुभएका प्रधानमन्त्री प्रचण्डले राष्ट्रपति सी चिन फिङसँग हिजै शिष्टाचार भेट गर्नुका साथै चिनियाँ प्रतिनिधिमण्डलसँग पनि छलफल गर्नु भएको थियो ।
आज र भोलि बेइजिङमा प्रधानमन्त्री ली छ्याङसँग भेट्नुका साथै अपरान्ह नेपाली समुदाय र नेपाली दूतावासले गर्ने कार्यक्रमहरूमा सहभागी हुने प्रधानमन्त्री प्रचण्डको सचिवालयले जनाएको छ ।
बाँकी दिनहरूमा छोङछिङ नगरपालिका र तिब्बतको भ्रमणमा जाने तालिका रहेको बेइजिङस्थित नेपाली दूतावासले जनाएको छ।
प्रकाशित मिति: आइतबार, असोज ७, २०८०, ०७:४८
