भावना फुयाँल
जेष्ठ नागरिक हुँ नामको बुढो त म मात्र तनको
ए जवान हो सुन मेरो यो कथा जीवनको
बन्धक बनेको छु आज जीवनको चक्रायुमा
म पनि त थिए हिजो त्यही तिम्रो ठाउँमा ।।
भएनी जेष्ठ बिना बा-आमाको टुहुरो म
बिछोडको के कुरा गर्नु असहनीय वियोग सहने म
खालिपनको कुरा गर्छौ छुटिएका छन् सारा इष्टमित्र
सुन्यता छाएको कसले बुझिदिने मेरो मन भित्र ।।
सुन है अर्ती मैले त्यसै दिएको छैन
ठक्कर र हार मैले नसहेको हैन
उपहार पनि गजबको पाएको मैले
प्रश्न उठ्छ स्वयममा के यही देख्न पाएको सन्तान पहिले ।।
आश्चर्य र आँशुले भरिएका यी मेरा लोचन
पीडा हुन्छ उपहार स्वरूप देख्दा वृद्धाश्रम
कमजोर शरीरको साथमा छैन धेरै जिउने आँट
किन गर्छौ दुर्व्यवहार समय आउँदै छ जाने आर्यघाट ।।
मेरा यी वेदना कसलाई कसरी म सुनाउने
व्यस्त यो दुनियामा को नै छ र म बुढोको कुरा सुनिदिने ।।
प्रकाशित मिति: सोमबार, असोज १५, २०८०
