दसैँका लागि अग्रिम टिकट बुकिङ खुला भएको आज छैठौँ दिन, काठमाडौँको गोङ्गबु, कोटेश्वरलगायतका विभिन्न स्थानमा घर फर्कनका लागि सवारीसाधनको टिकट लिनेहरूका कारण भीड बढ्दै गएको छ ।
यात्रुहरूले भीड व्यवस्थापन हुन नसकेको, बसको सिट नपाएको गुनासो गर्न थालेका छन् ।
हिजोसम्ममा करिब ७ लाख मानिसले काठमाडौँ छोडेको नेपाल यातायात व्यवसायी राष्ट्रिय महासङघका वरिष्ठ उपाध्यक्ष सरोज सिटौलाले सीआईएनसँग बताउनुभयो ।
हवाइ यात्रा गर्नेहरूले पनि नियमित समयमा भन्दा बढी भाडा लिइएको भन्दै असन्तुष्टि जनाइरहेका छन् ।
सीआईएनसँग कुराकानी गर्दै नेपाल नागरिक उड्ड्यन प्राधिकरणका प्रवक्ता जगन्नाथ निरौलाले एयरलाइन्सहरूले बढी भाडा लिए कारबाही गर्ने गरी अनुगमन भइरहेको बताउनुभयो ।
प्रकाशित मिति: आइतबार, असोज २८, २०८०
