काठमाडौँ । नेपाल १९ वर्षमुनिको एसीसी प्रिमियर कप क्रिकेटको सेमिफाइनलमा प्रवेश गरेको छ ।
समूह चरणको अन्तिम खेलमा विहीबार साउदी अरेबियालाई ३ सय २ रनले हराउँदै नेपाल प्रतियोगिताको सेमिफाइनल प्रवेश गरेको हो ।
३ सय ४८ रनको लक्ष्य पछ्याएको साउदी १९ ओभर १ बलमा ४६ रनमै अलआउट भयो । नेपालका दिपेश कँडेलले ६ तथा आकाश चन्दले २ र सुवास भण्डारीले १ विकेट लिनुभयो ।
टस हारेर पहिले ब्याटिङ गरेको नेपालले २० ओभरमा ८ विकेट गुमाएर ३ सय ४८ रन बनाएको थियो ।
नेपालका अर्जुन कुमालले १ सय ४२ तथा आकाश त्रिपाठीले ८९ रन बनाउनुभयो ।
नेपालले पहिलो खेलमा इरानलाई २ सय ७४ रन र दोस्रो खेलमा बहराईनलाई ७ विकेटले हराएको थियो ।
प्रतियोगितामा शीर्ष तीन स्थानमा रहने टोलीले यू–१९ एसिया कपमा स्थान बनाउनेछन् ।
प्रकाशित मिति: बिहीबार, कात्तिक २, २०८०
