काठमाडौँ । आईसीसी टी २० विश्वकप एसिया छनोटमा आज नेपालले मलेसियासँग खेल्दैछ ।
खेल कीर्तिपुरस्थित त्रिवि क्रिकेट मैदानमा दिउँसो सवा १ बजेबाट सुरु हुनेछ । नेपालले हिजो सिङ्गापुरलाई ८ विकेटले पराजित गरेको थियो ।
कीर्तिपुर मैदानमा पहिलो खेल बिहान ९ बजे सिङ्गापुर र ओमानबीच हुनेछ ।
मूलपानीस्थित क्रिकेट मैदानमा पहिलो खेल बिहान ९ बजे बहराइन र हङकङबीच हुनेछ भने दोस्रो खेलमा दिउँसो कुवेत र यूएई खेल्नेछन् । ८ टिम सहभागी खेलमा फाइनलमा पुग्ने दुई टिम अमेरिका र वेस्टइन्डिजमा हुने विश्वकपका लागि छनोट हुनेछन् ।
प्रकाशित मिति: मंगलबार, कात्तिक १४, २०८०, ०८:४०
