काठमाडौँ । ओमानसँग पराजित भएको नेपालले समूह "ए" को उपविजेताको हैसियतमा सेमिफाइनल खेल्ने भएको छ ।
नेपालले भोलि संयुक्त अरब इमिरेट्स(यूएई) सँग खेल्नेछ ।
खेलमा जित हासिल गर्ने टिम विश्वकप टि २० मा चयन हुनेछ । आठ टिम सहभागी छनोट प्रतियोगिताको फाइनल पुग्ने दुई टोली सन् २०२४ मा हुने टि–२० विश्वकप खेल्न पाउने छन् ।
युएइले मुलपानी क्रिकेट मैदानमा आज भएको खेलमा हङकङलाई २२ रनले हराएर समूह बी विजेता बनेको छ ।
त्रिवि अन्तर्राष्ट्रिय क्रिकेट मैदानमा आज ओमानसँग नेपाल ५ रनले पराजित भएको हो ।
ओमानले निर्धारित २० ओभरमा नौ विकेटको क्षतिमा १ सय ४५ रन बनायो । जवाफमा अन्तिम बलमा १ सय ४० रनमा नेपाल अलआउट भयो ।
प्रकाशित मिति: बिहीबार, कात्तिक १६, २०८०, १३:२४
