काठमाडौा । जाजरकोट भूकम्प प्रभावित क्षेत्रमा सरकारले नेपाल टेलिकमका फोन र एसएमएस सेवा निःशुल्क गर्ने निर्णय गरेको छ ।
टेलिकमका प्रवक्ता शोभन अधिकारीका अनुसार गएराति जाजरकोट केन्द्रबिन्दु भएर आएको भूकम्पका कारण प्रभावित जाजरकोट र रुकुम पश्चिममा फोन तथा एसएमएस पाँच दिनका लागि निःशुल्क गरिएको छ ।
सूचना आदानप्रदानमा सजिलो होस् भन्नका लागि सरकारले यस्तो निर्णय गरेको हो ।
"उक्त क्षेत्रमा रहेका कम्पनीका सम्पूर्ण मोबाइल ग्राहकहरुलाई पाँच दिनको अवधिका लागि निःशुल्क फोन तथा म्यासेज सेवा उपलब्ध गराइएको छ । यसका अतिरिक्त उक्त क्षेत्रमा पाँच दिन निःशुल्क फोन तथा एसएमएस सेवासहित निःशुल्क सिम उपलब्ध गराइने छ ।" नेपाल टेलिकमले निकालेको सूचनामा भनिएको छ ।
टेलिकमले उद्धार क्षेत्रमा सूचना आदानप्रदान गर्न आवश्यकता अनुसार निःशुल्क नमस्ते वाईफाई सेवासमेत उपलब्ध गराएको छ ।
प्रकाशित मिति: शनिबार, कात्तिक १८, २०८०
