काठमाडौँ । जाजरकोट भूकम्प प्रभावितको पुनर्स्थापना र राहतका लागि सरकारले आज विशेष कार्यक्रमको घोषणा गर्ने भएको छ ।
जाजरकोट र रुकुम पश्चिमको अवलोकनपछि प्रधानमन्त्री पुष्पकमल दाहाल प्रचण्डले बोलाउनुभएको मन्त्रीपरिषद् बैठक प्रधानमन्त्री तथा मन्त्रिपरिषद्को कार्यालय सिंहदरवारमा अहिले बसिरहेको छ ।
बैठकबाट पुनर्निमाण केन्द्रित कार्यक्रम घोषणको तयारी सरकारले गरेको प्रधानमन्त्रीका प्रेस सल्लाहकार गोबिन्द आचार्यले जानकारी दिनुभयो ।
हिजो प्रभावित क्षेत्रको भ्रमण गरेर आउनुभएका प्रधानमन्त्री दाहालले आज विशेष कार्यक्रम घोषणा गर्ने बताउनुभएको थियो । मन्त्रीपरिष्द् बैठक लगत्तै विपद् व्यवस्थापन समितिको बैठक पनि बस्ने भएको छ ।
प्रकाशित मिति: आइतबार, कात्तिक १९, २०८०
