काठमाडौँ । विश्वकप २०२६ तथा एसिया कप २०२७ को संयुक्त छनोटको दोस्रो चरणमा नेपाल यमनसँग पराजित भएको छ ।
दशरथ रङ्गशालामा मङ्गलवार भएको खेलमा नेपाल यमनसँग २-० ले पराजित भएको हो ।
७३ औँ मिनेटसम्म गोलरहित रहेको खेलमा यमनले त्यसपछि २ गोल गर्दै नेपाललाई घरेलु मैदानमै निराश बनायो । यमनका
मोहम्मद अब्दुल्लाह र ओमान अब्दुल्लाहले गोल गर्नुभयो ।
यससँगै यमनले ३ अङ्क जोडेको छ । नेपालले भने दुई खेलपछि पनि अङ्कको खाता खोल्न सकेको छैन । दोस्रो चरणको पहिलो खेलमा नेपाल यूएईसँग ४-० ले पराजित भएको थियो ।
यमनसँग नेपालको यो पाँचौँ खेलमा चौथो हार हो । एक खेल भने बराबरीमा टुङ्गिएको छ ।
प्रकाशित मिति: मंगलबार, मंसिर ५, २०८०, २१:४९
