हिजो साँझ धनगढीमा भएको बम विष्फोटमा परी घाइते भएका मध्ये एकजनाको मृत्यु भएको छ ।
घाइते ५ मध्ये रामबहादुर सिंहको मृत्यु भएको प्रहरीले जानकारी दिएको छ ।
प्रहरीका अनुसार माया मेट्रो अस्पतालमा उपचारका क्रममा सिंहको गएराति मृत्यु भएको हो ।
बझाङको जयपृथ्वी नगरपालिका वडा न–१ पिमी घर भई हाल कञ्चनपुर बेल्डाँडी बसिरहेका सिंह नेकपा विप्लवका जिल्ला सदस्य रहेको बुझिएको छ ।
घाइते ५ मध्ये रामबहादुर सिंहको मृत्यु भएको प्रहरीले जानकारी दिएको छ ।
धनगढीको चटकपुरमा रहेको शहिदगेट नजिकैको मिलन होटलमा हिजो साँझ ७ बजेतिर विष्फोट भएको हो ।
विष्फोटमा कञ्चनपुरको बेलडाँडीका लक्ष्मण सेरेला, होटल छेउमै ग्यारेज गरी बसेका भारतको लखिमपुर जिल्लाका मोबिन खान, धनगढी उपमहानगरपालिका–४ का जितेन्द्र यादव र होटल मालिक केशवराज पाण्डे घाइते हुनुभएको छ ।
प्रत्यक्षदर्शी होटल सञ्चालक पाण्डेका अनुसार रामबहादुर सिंहको झोलामा भएको वस्तु विष्फोट भएको थियो ।
जिल्ला प्रहरी कार्यालय कैलालीका प्रहरी उपरिक्षक सुदीप गिरीले पनि रामबहादुर सिंहले बोकेको झोलामै राखेको वस्तु विष्फोट भएको बताउनुभएको छ ।
बझाङको जयपृथ्वी नगरपालिका वडा न–१ पिमी घर भई हाल कञ्चनपुर बेल्डाँडी बसिरहेका सिंह नेकपा विप्लवका जिल्ला सदस्य रहेको बुझिएको छ ।
सिंह होटलभित्र पसेर बेञ्चमा बस्ने बित्तिकै विष्फोट भएको थियो ।
प्रहरी उपरिक्षक गिरीले विष्फोटमा स्टिलको टिफिनका टुक्रा भेटिनुका साथै एक थान पेस्तोल र से ७ प ३१४४ नम्बरको मोटर साइकल प्रहरीले नियन्त्रणमा लिइएको जानकारी दिनुभएको छ ।
घटनाको बारेमा थप अनुसन्धान भइरहेको प्रहरीको भनाइ छ ।
प्रकाशित मिति: शुक्रबार, साउन ३, २०७६, ०९:४१
