काठमाडौँ । गायक तथा सङ्गीतकार योगेश वैद्यको ७७ वर्षको उमेरमा गएराति निधन भएको छ ।
गएराति १२ः३० बजे काठमाडौँको न्युरो जनरल अस्पताल, गणवहाल सुनधारामा निधन भएको परिवार स्रोत जनाएको छ ।
उहाँका ‘सपना भुलाइ सारा’, ‘मेरो आँसुमा नहाँसे’, ‘नेपाल मेरो उपहार भो’ आदि गीतहरू लोकप्रिय छन् । आज पशुपति आर्यघाटमा उहाँको अन्त्येष्टि गर्ने पारिवारिक स्रोतले जनाएको छ ।
मधुमेह रोगबाट प्रभािवत वैद्यको उपचारको क्रममा निधन भएको हो ।
प्रकाशित मिति: शुक्रबार, माघ ५, २०८०, ०९:०८
