भक्तपुर । दोस्रो मध्यपुर थिमि वडा लिग फुटबल प्रतियोगिता यही माघ २९ देखि फागुन २४ गतेसम्म हुने भएको छ । मध्यपुर थिमि नगरपालिकाको प्रायोजन र मध्यपुर युथ एसोसिएसनको आयोजनामा प्रतियोगिता आयोजना गर्न लागिएको मध्यपुर युथ एसोसिएसनका अध्यक्ष उपेन्द्रमान सिंहले जानकारी दिनुभयो ।
प्रतियोगितामा नौ टिमले प्रतिस्पर्धा गर्ने र हरेक टिमले ८ वटा प्रतियोगितामा सहभागिता जनाउने सिंहले जानकारी दिनुभयो ।
प्रतियोगितामा पहिलो हुनेले २ लाख ५० हजार, दोस्रो हुनेले एक लाख २५ हजार र तेस्रो हुने टिमलाई ६० हजारसहित सम्मान गरिने छ । प्रतियोगितामा उत्कृष्ट खेलाडीलाई २० हजार, अनुशासित टिमलाई २५ हजार, उत्कृष्ट गोलकिपर, डिफेन्डर, मिडफिल्डर, फर्वाड र रेफ्रीले १० हजार नगदसहित सम्मान गरिनेछ ।
प्रकाशित मिति: बुधबार, माघ १७, २०८०, ११:४२
