काठमाडाैँ । पहिलो एक दिवसीय क्रिकेटमा नेपालले क्यानडालाई २२५ रनको लक्ष्य दिएको छ । कीर्तिपुरमा टस जितेर पहिला ब्याटिङ गरेको नेपालले निर्धारित ५० ओभरमा अल आउट हुँदै २२४ रन बनायाे ।
ओपनर कुशल भुर्तेलले सर्वाधिक ६२ रन बनाउनुभयो। ५८ बल खेलेका कुशलले ९ चौका र १ छक्का प्रहार गर्नुभयो । यस्तै आरिफ शेखले ३८ र सोमपाल कामी २७ रनको योगदान गर्नुभयो ।
क्यानडाका उदय भागवानले ३ विकेट लिनुभयो । क्यानडाले केहीबेरमा जवाफी ब्याटिङ गर्दैछ ।
प्रकाशित मिति: बिहीबार, माघ २५, २०८०, १३:१४
