काठमाडाैँ । नेपाल एसीसी प्रिमयर कप महिला क्रिकेटको सेमिफाइनलमा प्रवेश गरेको छ । आज भएको क्वार्टरफाइनलमा कुवेतलाई ८ विकेटले हराउँदै नेपाल अन्तिम ४ मा प्रवेश गरेको हो
नेपालले सेमिफाइनलमा घरेलु टोली मलेसियासँग खेल्नेछ ।
मात्र ५० रनको लक्ष्य नेपालले सातौँ ओभरमा मात्र २ विकेट गुमाएर पुरा गर्याे । वर्षाले खेल प्रभावित बनेपछि नेपालले डीएल मेथडका आधारमा ५० रनको लक्ष्य पाएको थियो । नेपालको जितमा इन्दु वर्माले अविजित २२ र सीता रानामगरले १७ रन बनाउनुभयो ।
सुरुवाती ब्याटिङ गरेको कुवेतले निर्धारित २० ओभरमा ९ विकेट गुमाएर ७३ रन बनाएको थियो । सीता रानामगरले ३ र कविता कुँवरले २ विकेट लिएपछि कुवेत सामान्य योगफलमै समेटिएको थियो ।
प्रकाशित मिति: बुधबार, फागुन २, २०८०
