लमजुङ । उत्तरी लमजुङको दोर्दी खोलामा आज दिउँसो आएको बाढीमा परी ४ जनाको मृत्यु भएको भने ६ जना वेपत्ता भएका छन् । साँझ ७ बजेसम्म ५ जनाको शव फेला परेको दोर्दीखोला गाउँपालिकाका अध्यक्ष ओमबहादुर गुरुङले सीआईएनसँग बताउनुभयो । मृतकको सनाखत भने भएको छैन । उहाँले वेपत्ता हुनेको सङ्ख्या अझै धेरै हुनसक्ने पनि बताउनुभयो ।
मनास्लु हिमाल नजिकै पहिरो खसेर थुनिएको नदी अचानक फुटेपछि आएको बाढीमा लिबर्टी जलविद्युत आयोजनाका कामदारहरु परेको गुरुङको भनाई छ । अहिले प्रहरी घटनास्थलमा पुगेको छ । घटनाको थप विवरण आउन बाँकी छ ।
प्रकाशित मिति: बुधबार, साउन ८, २०७६, १९:३९
