काठमाडौँ । प्रधानमन्त्री पुष्पकमल दाहाल प्रचण्डले सोचविचार गरेरै सत्ता समीकरण बदलेको बताउनुभएको छ । प्रतिनिधि सभाको बिहीबारको बैठकमा सम्बोधन गर्दै उहाँले राजनीतिमा केही आशङ्का पैदा भएपछि गठबन्धन नै बदल्ने अवस्थामा पुगेको र यो कसैलाई अस्थिर लागे पनि आफूले सोच विचार गरेरै यो निर्णय गरेको बताउनुभयो ।
कांग्रेसले बिहीबार नै संसदीय दल बैठक गरेर प्रधानमन्त्रीले राजनीतिक बेइमानी गरेको निष्कर्ष निकालेको उल्लेख गर्दैै उहाँले आफूसँग हुँदा इमान र अर्कोसँग जाने बित्तिकै बेइमान भन्ने नहुने र यो राजनीतिक परिस्थिति तथा मुद्दामा निर्भर रहने बताउनुभयो । राजनीतिमा केही आशङ्का भएपछि अहिलेको अवस्था आएको उहाँको भनाइ छ ।
प्रकाशित मिति: बिहीबार, फागुन २४, २०८०
