काठमाडौँ । प्रधानमन्त्री पुष्पकमल दाहाल प्रचण्डले आज मन्त्रिपरिषद् विस्तार गर्नुहुने भएको छ ।
जनता समाजवादी पार्टी (जसपा) को तर्फबाट तीन मन्त्री सहभागी गराउँदै प्रधानमन्त्रीले मन्त्रिपरिषद् विस्तार गर्न लाग्नुभएको हो ।
जसपाका अध्यक्ष उपेन्द्र यादवलाई उपप्रधान एवं स्वास्थ्य तथा जनसङ्ख्या, अर्का नेता नवलकिशोर साह सुडीलाई वन तथा वातावरण अनि दीपक कार्कीलाई स्वास्थ्य राज्य मन्त्रीको रूपमा शपथ गराउने तयारी छ ।
शपथको समय भने टुङ्गो लाग्न बाँकी रहेको जसपाका प्रवक्ता मनिस सुमनले जानकारी दिनुभयो ।
नेकपा एमाले, माओवादी केन्द्र, राष्ट्रिय स्वतन्त्र पार्टी र एकीकृत समाजवादी पार्टी यसअघि नै सरकारमा सहभागी भइसकेका छन् ।
मन्त्रिपरिषद्लाई पूर्ण दिएर यही फाुगन ३० को संसद बैठकमा विश्वासको मत लिने तयारी प्रधानमन्त्रीको छ ।
प्रकाशित मिति: आइतबार, फागुन २७, २०८०, ०८:५३
