काठमाडौँ । राष्ट्रिय सभा अध्यक्ष पदको लागि आज निर्वाचन हुँदैछ ।
बिहान ११ बजेर ९ मिनेटमा बस्ने राष्ट्रिय सभाको बैठकमा चुनावी प्रक्रिया सुरु हुने सङ्घीय संसद सचिवालयका सहायक प्रवक्ता दशरथ धमलाले जानकारी दिनुभयो ।
सभाको बैठकमा राष्ट्रियसभाको अध्यक्ष पदमा निर्वाचित गरियोस् भन्ने प्रस्ताव प्रस्तुत गरिने उहाँले बताउनुभयो ।
अध्यक्षका लागि सरकारमा रहेका दलको तर्फबाट माओवादी केन्द्रका सांसद नारायण दाहाल र नेपाली काँग्रेसका तर्फबाट उम्मेदवारी दिनुभएका युवराज शर्माबीच प्रतिस्पर्धा हुनेछ ।
निवर्तमान अध्यक्ष गणेशप्रसाद तिमिल्सिनाको कार्यकाल सकिएपछि आज निर्वाचन हुन लागेको हो ।
प्रकाशित मिति: मंगलबार, फागुन २९, २०८०, ०९:१३
