काठमाडाैँ । त्रिदेशीय टी ट्वान्टी क्रिकेट शृङ्खलाको उपाधि पपुवा न्यूगिनी (पीएनजी)ले जितेको छ । हङ्कङमा भएको प्रतियोगिताको फाइनलमा नेपाललाई ८६ रनले हराउँदै पीएनजीले उपाधि जितेको हो ।
१ सय ७२ रनको लक्ष्य पाएको नेपाल १७ औँ ओभरमा ८५ रनमा अलआउट भयो । नेपालका लागि सन्दीप जोराले १७, आरिफ शेखले १५ र कप्तान रोहित पाैडेलले १२ रन बनाउनुबाहेक कसैले दोहोरो अङ्कमा रन जोड्न सकेनन् ।
टस हारेर पहिले ब्याटिङ गरेको पपुवा न्यूगिनीले २० ओभरमा ८ विकेट गुमाएर १७१ रन बनाउँदै नेपाललाई १७२ रनको लक्ष्य दिएको हो ।
पीएनजीका टोनी उराले ३७ बलमा ६१ रन बनाउनुभयो भने नेपालका कुशल भुर्तेल र आकाश चन्दले तीन तीन विकेट लिनुभएको थियो ।
प्रकाशित मिति: बुधबार, फागुन ३०, २०८०
