बैतडी । बैतडीमा ट्याक्टर दुर्घटना हुँदा दुई जनाको मृत्यु भएको छ । बैतडी–बझाङ जोड्ने जयपृथ्वी मार्गको पाटन नगरपालिका–८, झौलेक नजिक भएको दुर्घटनामा चालक राजेश चौधरी र स्थानीय मानसिंह बिष्ट (मन्धिर) को मृत्यु भएको हो ।
मृतक बिष्ट सामुदायिक रेडियो सेभेन स्टारमा कार्यरत पत्रकार कृष्ण बिष्टका बुवा हुनुहुन्छ । से २ त ३६७८ नम्बरको ट्याक्टर विहीबार राति ११ बजेतिर दुर्घटना भएको प्रहरीले जनाएको छ ।
तर ट्याक्टर दुर्घटना भएको स्थानीयबासीले शुक्रबार विहान मात्र देखेर प्रहरीलाई खबर गरेको पाटन–८ का वडा अध्यक्ष हरिश बिष्टले जानकारी दिनुभयो ।
प्रकाशित मिति: शुक्रबार, चैत २३, २०८०, १४:०९
