काठमाडाैँ । एसएमएस कप फ्रेन्डसिप टी ट्वान्टी कप क्रिकेटको उपाधि नेपालले जितेको छ । आइतबार भएको फाइनलमा गुजरातलाई १८ रनले हराउँदै नेपालले उपाधि जितेको हाे । १७७ रनको लक्ष्य पछ्याएको गुजरातले २० ओभरमा ८ विकेट गुमाउँदै १५८ रन मात्रै बनाउन सक्यो । नेपालका अभिनाश बोहराले ३, दीपेन्द्रसिंह ऐरीले २ तथा करण केसी र कुशल मल्लले १/१ विकेट लिनुभयो ।
टस जितेर पहिला ब्याटिङ रोजेको नेपालले २० ओभरमा ४ विकेट गुमाउँदै १७६ रन बनाएको थियो । नेपालका कप्तान रोहित पौडेलले सर्वाधिक ७४ रन बनाउनुभयाे । यस्तै आसिफ शेखले ३४ तथा कुशल मल्लले ३१ रन बनाउनुभयो ।
एसीसी प्रिमियर कप तथा टी ट्वान्टी विश्वकपको तयारी स्वरुप नेपाली टोलीले भारतमा बरोडा र गुजरातसँग त्रिकोणात्मक शृंखला खेलेको हो । शृंखलामा नेपालले एक खेलबाहेक सबै खेल जितेको थियो ।
प्रकाशित मिति: आइतबार, चैत २५, २०८०
