काठमाडाैँ । वेस्ट इन्डिज 'ए' सँगको दोस्रो टी ट्वान्टी क्रिकेटमा नेपाल पराजित भएको छ । १६१ रनको लक्ष्य पाएको नेपालले निर्धारित २० ओभरमा ७ विकेट गुमाएर १५० रन मात्र बनाउन सक्यो ।
नेपालका कप्तान रोहितकुमार पाैडेलले ७१ रन बनाउनुभयो । यस्तै गुल्सन झाले २६, लोकेश बमले १७, आरिफ शेखले १२ रन बनाउनुबाहेक नेपालका कुनै ब्याटरले दोहोरो अंकमा रन जोड्न सकेनन् ।
४८ बल खेलेका रोहितले ६ चाैका र २ छक्का प्रहार गर्नुभयो । यस्तै गुलसनले ११ बलमा ३ चाैका र २ छक्का प्रहार गर्नुभयो ।
कीर्तिपुरमा टस जितेर पहिले ब्याटिङ रोजेकाे पाहुना टोलीले २० ओभरमा ७ विकेट गुमाएर १६० रन बनाएको थियो । वेस्ट इन्डिजका आन्द्रे फ्लेचरले ४३ र गुदाकेस माेतीले ८ बलमा ३३ रनको आक्रामक इनिङ खेल्नुभएको थियो ।
आजको नतिजासँगै ५ खेलको शृंखला १-१ को बराबरीमा पुगेकाे छ ।
प्रकाशित मिति: आइतबार, वैशाख १६, २०८१
