काठमाडाैँ । वेष्टइण्डिज 'ए'सँगको तेस्रो टी ट्वान्टी क्रिकेटमा नेपाल ७६ रनले पराजित भएको छ । कीर्तिपुरमा २ सय २८ रनको लक्ष्य पाएको नेपाल खेल सकिन ४ बल बाँकी हुँदै १५१ रनमा अल आउट भयो । लोकेश बम र करण केसीले सर्वाधिक २८-२८ रन बनाउनुभयो ।
कुशल मल्लले २०, विनोद भण्डारीले १९, अनिल साहले १४, दीपेन्द्रसिंह ऐरी ७ रनमा, गुलशन झाले ६, आरिफ शेख र विवेक यादवले समान ३ रन बनाउनुभयाे ।
योसँगै पाँच खेलको शृंखलामा वेष्टइण्डिजले २-१ को अग्रता लिएको छ । पहिले ब्याटिङ गरेको वेस्ट इन्डिजले २० ओभरमा ३ विकेट गुमाएर २ सय २३ रन बनाएको थियो । ओपनर जोनसन चार्ल्सले ६१ बलमा १३ चौका र ७ छक्कासहित अविजित ११९ रन बनाउनुभयो । यस्तै, आन्द्रे फ्लेचरले ३३ बलमा ५३ रन बनाउनुभयो ।
चौथो खेल भोली बिहीबार र अन्तिम खेल शनिबार हुनेछ ।
प्रकाशित मिति: बुधबार, वैशाख १९, २०८१
