काठमाडौँ । बाल कुपोषण र भोकमरी उन्मूलन गर्ने उद्देश्यले सुरु गरिएको इनफ (ENOUGH) अभियान सफल पार्नका लागि सहयोग गर्ने प्रतिबद्धता सरोकारवाला निकाय र प्रतिनिधिले जनाएका छन् ।
काठमाडौँमामा आज एक औपचारिक कार्यक्रमका बीच इनफ अभियानको सुरुवात गरिएको हो ।
कार्यक्रममा संसदको शिक्षा स्वास्थ्य तथा सूचना प्रविधि समितिका अम्मर बहादुर थापाले बालबालिकामा अझैँ पनि कायमै रहेकव कुपोषण अन्त्यका लागि समितिले सरोकारवाला निकायसँग निरन्तर संवाद र अनुगमन गर्ने प्रतिबद्धता जनाउनुभयो ।
इनफ अभियानले लिएका लक्ष्य पूरा गर्नका लागि सरकारी तथा गैरसरकारी निकायले सकारात्मक रुपमा सहयोग गर्नुपर्ने उहाँको भनाइ थियो ।
कार्यक्रमा संसदको महिला तथा सामाजिक समितिका सभापति किरणकुमार साहले सरकारले कुपोषणविरुद्धको अभियान चलाए पनि प्रभावकारी हुन नसकेको र आगामी दिनमा यो इनफ अभियानले सरकारले लिएका लक्ष्यलाई पनि सहयोग पुग्ने धारणा राख्नुभयो ।
कुपोषणविरुद्धका भएका नीति तथा कानुन कार्यान्वयन भएका समस्या समाधानका लागि समितिले सक्रियताका साथ काम गर्ने उहाँको प्रतिबद्धता थियो ।
कार्यक्रममा राष्ट्रिय मानव अधिकार आयोगका सचिव मुरारी खरेलले इनफ अभियान सफल पार्नका लागि आयोग जहिल्यै साथमा रहने वाचा गर्नुभयो ।
कुपोषणविरुद्धका सरकार अभियान प्रभावकारी नभएके टिप्पणी गर्नुभयो । बालबालिकामा पोषणको अवस्थाका बारेमा आयोगले अनुगमन सुरु गरेको पनि उहाँले जानकारी दिनुभयो ।
बालबालिकालाई आश्रय दिएका कतिपय स्याहार केन्द्रबाट पनि गुणस्तरीय खानाको अभावका बारेमा गुनासो आएपछि अनुगमनको कामलाई तीव्रता दिइएको सचिव खरेलले भनाइ थियो ।
कार्यक्रममा गैरसरकारी संस्था महासङ्घका अध्यक्ष रामप्रसाद सुवेदीले इनफ अभियानमा गैरसरकारी क्षेत्र साथमा रहेको धारणा राख्नुभयो ।
कुपोषणविरुद्ध अभियान चलाउँदै गर्दा अपाङ्गता भएका, सीमान्तकृत तथा महिला र पछाडि पारिएका बालबालिकालाई पनि विशेष ध्यान दिनुपर्ने सुझाव उहाँले दिनुभयो ।
प्रकाशित मिति: बिहीबार, जेठ १७, २०८१
