काठमौँ । टी-२० विश्वकप क्रिकेटमा अमेरिकाले शानदार विजयी सुरुवात गरेको छ ।
आज भएको खेलमा अमेरिकाले क्यानडालाई ७ विकेटले हराएको हो ।
अमेरिका र वेष्टइण्डिजमा आजदेखि टी-२० विश्वकप सुरु भएको हो । क्यानडाले दिएको १ सय ९५ रनको लक्ष्य अमेरिकाले १७ ओभर ४ बलमा ३ विकेट गुमाएर भेट्टायो ।
अमेरिकाका आरोन जोन्सले सर्वाधिक अविजित ९४ रन बनाउनुभयो । अमेरिकाको लागि जोन्स र एन्ड्रीस गौसले तेस्रो विकेटका लागि १ सय ३१ रनको साझेदारी गर्नुभयो ।
डालसस्थित ग्राण्ड प्रेरी क्रिकेट मैदानमा टस हारेर पहिला ब्याटिङको निम्तो पाएको क्यानडाले निर्धारित २० ओभरमा ५ विकेट गुमाएर १ सय ९४ रन बनाएको थियो ।
प्रकाशित मिति: आइतबार, जेठ २०, २०८१, १०:३७
