काठमाडौँ । अफगानिस्तान आइसीसी टी-ट्वान्टी विश्वकप क्रिकेटको अन्तिम ८ मा प्रवेश गरेको छ ।
बिहान भएको खेलमा पपुवान्यूगिनीलाई ७ विकेटले हराउँदै अफगानिस्तान एक खेल अघि नै अन्तिम ८ मा पुगेको हो ।
पपुवान्यूगिनीले दिएको ९६ रनको लक्ष्य अफगानिस्तानले १५ ओभर १ बलमा ३ विकेटको क्षतिमा भेट्टायो ।
टस हारेर पहिले ब्याटिङ गरेको पपुवा न्यूगिनीले ९५ रन बनाएको थियो । यो समूहबाट वेस्ट इन्डिज यसअघि नै सुपर ८ प्रवेश गरिसकेको छ ।
समूह ‘सी’ मा दुई अङ्क जोडेको युगान्डा तेस्रो स्थानमा छ भने पिएनजी र न्युजिल्यान्डले अङ्क जोड्न सकेका छैनन् ।
प्रकाशित मिति: शुक्रबार, जेठ ३२, २०८१
