रोल्पा । रोल्पाको परिवर्तन गाउँपालिकाले रेडियो रोल्पाको रेडियो मालश्रीमा कार्यरत पत्रकार सूर्यप्रकाश बुढा मगरलाई सम्मान गरेको छ ।
परिवर्तन गाउँपालिकाको ३६ औं गाउँकार्यपालिकाको निणर्य र आर्थिक वर्ष २०८०/०८१ को स्वीकृत कार्यक्रम अनुसार पत्रकार बुढा मगरलाई आर्थिक वर्ष २०८१/०८२ को नीति कार्यक्रम तथा बजेट अधिवेशन र १७ औं गाउँसभाको अवसरमा नगद १५ हजारसहित सम्मान गरिएको हो ।
परिवर्तन गाउँपालिकाको हरेक गतिविधिलाई सञ्चारमाध्यममा प्रशारण तथा प्रकाशन गर्ने एक जना पत्रकारलाई सम्मान गर्दै आएको छ ।
पत्रकार बुढा मगर २०७४ जेठ १४ गतेदेखि सामुदायिक रेडियो मालश्रीमा संवाददाताको रूपमा आवद्ध हुनुहुन्छ ।
प्रकाशित मिति: आइतबार, असार १०, २०८१, १०:१४
