काठमाडौँ । नेकपा एमाले र नेपाली काँग्रेसबीचको सहमतिअनुसार पहिलो चरणमा एमाले अध्यक्ष केपी शर्मा ओलीको नेतृत्वमा राष्ट्रिय सहमतिको सरकार गठन हुने छ ।
यद्यपी काँग्रेस र एमालेबीचको सहमति सार्वजनिक हुँदा केही फेरबदल हुनसक्ने एमाले नेता महेश बर्तौलाले बताउनुभयो ।
डेढ वर्षपछि आगामी निर्वाचनसम्म शेरबहादुर देउवाको नेतृत्वमा सरकार बन्ने सहमतिमा उल्लेख छ । सुरुमा ओली सरकारमा एमालेले अर्थसहित ९ मन्त्रालय र काँग्रेसले गृहसहित १० मन्त्रालय सम्हाल्नेछ ।
एमालेले कोशी, लुम्बिनी र कणर्ाली प्रदेश सरकारको नेतृत्व गर्नेछ । काँग्रेसले बाग्मती, गण्डकी र सुदूरपश्चिम प्रदेश सरकारको नेतृत्व गर्नेछ । मधेस प्रदेश सरकारको नेतृत्व मधेसवादी दललाई दिने सहमति छ ।
२ सय ७५ सदस्यीय प्रतिनिधि सभामा काँग्रेसको ८८ सिट छ भने भने एमालेको ७९ सिट छ ।
प्रकाशित मिति: मंगलबार, असार १८, २०८१
