काठमाठौँ । कोपा अमेरिका फुटबल २०२४ को उपाधि अर्जेन्टिनाले जितेको छ । फाइनलमा कोलम्बियालाई अतिरिक्त समयमा १-० ले हराउँदै अर्जेन्टिनाले उपाधि उचालेको हो ।
यससँगै २३ वर्षपछि उपाधि जित्ने कोलम्बियाको सपना साकार हुन सकेन । साथै कोलम्बियाको ३८ खेल सम्मको अपराजित यात्रा पनि टुङ्गिएको छ ।
अर्जेन्टिनाको जितमा लौतारो मार्टीनेजले खेलको १ सय १२औं मिनेटमा गोल गर्नुभयो । उहाँ खेलको ९७ औँ मिनेटमा मात्र मैदान प्रवेश गर्नुभएको थियो । उहाँले जियोभानी लो सेल्सोको पासमा गोल गर्नुभएको हो ।
कप्तान लियोनेल मेस्सी घाइते भएर दोस्रो हाफमा मैदान बाहिरिए पनि अर्जेन्टिना अन्ततः उपाधि चुम्न सफल भयो ।
सन्१९९४ पछि लामो समय कुनै उपाधि जित्न नसकेको अर्जेन्टिनाले पछिल्लो ३ वर्षमा लगातार तीन उपाधि जितेको हो ।
२०२१ मा कोपा अमेरिकाको उपािध जितेको अर्जेन्टिनाले २०२२ मा विश्वकपकाे उपाधि पनि हात पारेकाे थियो
प्रकाशित मिति: सोमबार, असार ३२, २०८१, १०:२०
