नेपालले एसीसी महिला एसिया कप क्रिकेटमा विजयी सुरुवात गरेको छ ।
आफ्नो पहिलो खेलमा नेपालले युएईमाथि ६ विकेटको जित हात पारेको हो ।
११६ रनको लक्ष्य नेपालले २३ बल बाँकी छँदै मात्र ४ विकेट गुमाएर पूरा गरेको हो । नेपालको जितमा ओपनर ब्याटर सम्झना खड्काले ४५ बलमा ७२ रन बनाउनुभयो । सो क्रममा उहाँले ११ चौका प्रहार गर्नुभयो । त्यस्तै रुविना क्षेत्रीले १० रन बनाउनुभयो ।
त्यसअघि श्रीलंकाको दाम्बुला क्रिकेट मैदानमा युएईले टस हारेर पहिले ब्याटिङ गर्दै, एक सय १५ रन बनाएको थियो ।
नेपालका कप्तान इनदु बर्माले ३ तथा सबनम राई र कृतिका मरासिनीले १/१ विकेट लिनुभयो ।
नेपालले दोस्रो खेल आईतबार पाकिस्तानसँग खेल्नेछ ।
प्रकाशित मिति: शुक्रबार, साउन ४, २०८१, १७:४०
