काठमाडौँ । बेइजिङ+३० को विश्वव्यापी समीक्षा भइरहेको सन्दर्भ पार्दै महिलाको नेतृत्वमा सञ्चालित गैरसरकारी संस्थाहरूको राष्ट्रिय महिला सञ्जाल संस्था बियोण्ड बेइजिङ कमिटी (बिबिसी) नेपालले राष्ट्रिय महिला सम्मेलन आयोजना गर्ने भएको छ । ललितपुरको जावलाखेलमा शुक्रवार (भोली) सुरु सम्मेलनको उद्घाटन राष्ट्रपति रामचन्द्र पौडेलले गर्ने बिबिसी नेपालले जनाएको छ ।
सातै प्रदेशमा प्रदेश स्तरीय बेइजिङ+३० को समीक्षा गरिसकेको कमिटीले ती सबै प्रतिवेदन सम्मेलनमा प्रस्तुत गर्ने र भोलि हुने राष्ट्रिय प्रमाणीकरण कार्यशालाबाट आएको निचोडलाई काठमाडौँ घोषणापत्र का रूपमा जारी गर्ने बिबिसी) नेपालका अध्यक्ष कृष्णकुमारी वाइबाले जानकारी दिनुभयो ।
उक्त घोषणापत्रलाई नागरिक समाजको समानान्तर प्रतिवेदन तयार गरी संयुक्त राष्ट्र सङ्घमा नागरिक समाजको तर्फबाट पेस गर्ने संस्थाका महासचिव सीमा खानले बताउनुभयो । जसले लैङ्गिक समानता, बालिका र महिला सशक्तीकरणको सवाललाई थप जोडका साथ महिला र बालिकाको आवाजहरू स्थानीय, राष्ट्रिय तथा अन्तर्राष्ट्रिय तहसम्म पुर्याउने अवसर प्रदान गर्नेछ ।
सम्मेलनमा आदिवासी जनजाति, दलित, मधेसी, मुस्लिम समुदाय, अपाङ्गता भएका व्यक्तिहरू, युवा, ज्येष्ठ नागरिक र सीमान्तकृत समुदायहरू, यौनिक तथा लैङ्गिक अल्पसङ्ख्यक समुदाय, विभिन्न (स्वास्थ्य, शिक्षा, वातावरण) क्षेत्रका विज्ञ, विभिन्न क्षेत्रका पेसाकर्मी, महिला मानवअधिकारकर्मी र राष्ट्रिय तथा अन्तर्राष्ट्रिय क्षेत्र र केही सरकारकारी प्रतिनिधिहरूको सहभागिता रहने आयोजकले जनाएको छ ।
प्रकाशित मिति: बिहीबार, साउन ३१, २०८१
-1740733196.jpg)
