बझाङ । बझाङको बुङ्गल नगरपालिका वडा नम्बर १० स्थित टुमेडामा पहिरो जाँदा ४ जना बेपत्ता भएका छन् ।
बिरा धामीको घर माथिबाट पहिरो खस्दा उहाँकी श्रीमती, बुहारी र दुई जना नातिनी बेपत्ता भएको स्थानीय भरत महराले जानकारी दिनुभयो ।
राति १ बजेतिर खसेको पहिरोले घर पुरेको थाहा पाए पछि तत्कालै गाउँलेले ५ जनाको भने जिवितै उद्दार गरेको महराले बताउनुभयो । उहाँका अनुसार बिरा धामी, उज्जल धामी, रोशन धामी, कमला धामी र शान्ति धामीको शकुशल उद्दार गरिएको छ । काली धामी, गोल्की धामी, आसिका धामी र लक्ष्मी धामीको खोजी भइरहेकाे महराले जानकारी दिनुभएको छ ।
अहिले झापा प्रहरी चौकीको प्रहरी टोली पनि घटनास्थलमा खटिएको छ ।
प्रकाशित मिति: सोमबार, भदौ ३, २०८१, ०६:५०
