काठमाडाैँ । गत शुक्रबारदेखिको बाढी पहिरोमा परी हालसम्म मृत्यु हुनेको सङ्ख्या १ सय ९३ पुगेको छ ।
बाढीपहिरोमा परी ३१ जना बेपत्ता रहेकाे नेपाल प्रहरीले जनाएकाे छ । यस्तै ९६ जना घाइते भएका छन् । ३ हजार ७०५ जनाभन्दा बढीको उद्धार गरिएको छ ।
प्रहरीका अनुसार अविरल वर्षाका कारण विभिन्न स्थानहरूमा बाढी तथा पहिरोले सडक अवरुद्ध रहेको र प्रहरी परिचालन भई बाटो खुलाउने प्रयास भइरहेको छ । प्रहरीले सकेसम्म लामो यात्रामा निस्कनुभन्दा पहिला नजिक वा सम्बन्धित जिल्ला प्रहरी कार्यालयमा सम्पर्क गर्न अनुरोध समेत गरेको छ।
प्रकाशित मिति: सोमबार, असोज १४, २०८१, १३:३८
