डडेल्धुराकाे अमरगढी नगरपालिका–७ खसरेखानमा बस दुर्घटना हुँदा ४ जनाको मृत्यु भएको छ । १२ जना घाइते भएका छन् । कञ्चनपुरको महेन्द्र नगरबाट बैतडीको पुर्चौँडीका लागि छुटेको ना ८ ख १०७८ नम्बरको बस दुर्घटना हुँदा बैतडीको पुर्चौंडी नगरपालिका–३ की ४५ वर्षीया जयमति बोहरा, २२ वर्षीय सहदेव बोहरा, २६ वर्षीया कमला बोहरा र उहाँको दुई दिनका छोराको मृत्यु भएको जिल्ला प्रहरी कार्यालय डडेलधुराका प्रवक्ता, प्रहरी निरीक्षक उपेन्द्रबहादुर बमले जानकारी दिनुभयो । दुर्घटनामा १२ जना घाइते भएका छन् ।
घाइते हुनेमा पुर्चौंडी नगरपालिका–७ का २४ वर्षीय नवराज साउँद, वडा नं. ६ का २४ वर्षीय राजेन्द्र साउँद, कञ्चनपुरको कृष्णपुर नगरपालिका–४ का २५ वर्षीय दिनेश साउँद, डडेलधुराको आलिताल गाउँपालिका–१ का २१ वर्षीय मुकुन्द बोहरा, दार्चुलाको मार्मा गाउँपालिका–५ बस्ने ३४ वर्षीया विमला महता, कृष्णपुर नगरपालिका–५ की ६५ वर्षीया धनमती साउँद, पुर्चौंडी–८ का ४२ वर्षीय पदमबहादुर बोहरा, सोही ठाउँका बस चालक २४ वर्षीय वीरेन्द्र बोहरा, वडा नं. ७ का २८ वर्षीय नवराज रतौकी, २० वर्षीय सुरेन्द्र रतौकी, वडा नं. १० का दामोदर महरा र धनबहादुर महरा रहेको निरीक्षक बमले जानकारी दिनुभयो ।
राती १२ बजेतिर भएको दुर्घटना लगत्तै प्रहरी, सशस्त्र प्रहरी र नेपाली सेनाको टोलीले घाइतेको उद्धार गरी डडेलधुरा अस्पताल पठाएको छ । दुर्घटनाको कारण खुलिन सकेको पनि प्रहरीले जनाएको छ ।
प्रकाशित मिति: बुधबार, असोज ३०, २०८१
