बागलुङकाे जैमिनी ८ मा पिकअप जीप दुर्घटना हुँदा ५ जनाको मृत्यु भएको छ ।
जैमिनी नगरपालिका वडा नम्बर–८ को केवइबाट सदरमुकाम बागलुङका लागि छुटेको ग २ च ९२४७ नम्बरको जिप सोमबार बिहान साढे आठ बजेतिर ढुंगाखानीमा सडकबाट खस्दा जीप चालक केवइका ३८ वर्षीय महेन्द्र पुन, २० वर्षकी रश्मी श्रीष, ५० वर्षकी नन्दकली पुन, १७ वर्षका निरज श्रीष र ७५ वर्षका कुलप्रसाद श्रीषको मृत्यु भएको प्रहरी निरीक्षक केशव थापाले जानकारी दिनुभयाे ।
दुर्घटनामा केबइकै ४५ वर्षीय गंगाबहादुर श्रीष गम्भीर घाइते हुनुभएको छ । उहाँलाई उपचार लागि धौलागिरि अस्पताल लगिएको छ ।
प्रकाशित मिति: सोमबार, कात्तिक २६, २०८१, १२:३८
