काठमाडौँ । नेपाल प्रिमियर लिग (एनपिएल) क्रिकेटको फाइनलमा जनकपुर बोल्ट्स र सुदूरपश्चिम रोयल्स खेल्ने भएका छन् ।
आज कीर्तिपुस्थित त्रिवि क्रिकेट मैदानमा भएको दोस्रो क्वालिफायर खेलमा कर्णाली याक्सलाई दुई विकेटले हराउँदै जनकपुरले सुदूरपश्चिमसँगको फाइनल भेट पक्का गरेको हो ।
यसअघि हिजो भएको पहिलो क्वालिफायरमा सुदूरपश्चिमसँग आठ विकेटले पराजित हुँदै जनकपुर दोस्रो क्वालिफायरमा पुगेको थियो ।
आज दोस्रो क्वालिफायरमा जितका लागि एक सय १९ रनको लक्ष्य पछ्याएको जनकपुरले १९ ओभरमा आठ विकेटको क्षतिमा लक्ष्य भेट्टाएको हो ।
यसअघि टस हारेर पहिले ब्याटिङ गरेको कणर्ालीले निर्धारित २० ओभरमा ९ विकेटको क्षतिमा एक सय १८ रन बनाएको थियो ।
हिजो एलिमिनेटर खेलमा चितवन राइनोजलाई २१ रनले हराउँदै कणर्ालीले दोस्रो क्वालिफायरमा स्थान बनाएको थियो ।
फाइनल खेल पर्सि शनिवार दिउँसो सवा १२ बजे हुनेछ ।
प्रकाशित मिति: बिहीबार, पुस ४, २०८१, १७:१७
