बझाङ । बझाङमा जिप दुर्घटना हुँदा चार जनाको मृत्यु भएको छ । तलकोटबाट चैनपुरतर्फ आउँदै गरेको से १ ज ८४३ नम्बरको जिप सडकबाट अनियन्त्रित करिब २ सय मिटर तल खसेर दुर्घटना भएको थियो ।
दुर्घटनामा चालक केदारस्युँ गाउँपालिका–१ रायलका ३३ वर्षका शम्शेर मल्ल, तलकोट गाउँपालिका–४ का ३६ वर्षका बम बहादुर धामी, उहाँका ५ वर्षकी छोरी आकृति, तलकोट गाउँपालिका–४ कै ७२ वर्षीय जोगेनी देवी धामीको मृत्यु भएको प्रहरीले जानकारी दिएको छ ।
गएराति ८ः३५ बजे तलकोट गाउँपालिका–२ सुकगाडमा भएको जीप दुर्घटनामा तीन जनाको घटना स्थलमै र आकृतिको जिल्ला अस्पताल सिमखेत लैजादै गर्दै बाटोमा मृत्यु भएको जिल्ला प्रहरी कार्यालय बझाङका सूचना अधिकारी प्रहरी निरिक्षक लोकेन्द्रसिंह ठगुन्नाले जानकारी दिनुभयो ।
प्रकाशित मिति: शुक्रबार, पुस १९, २०८१, ०९:५६
