काठमाडौँ । त्रिकोणात्मक महिला अन्तर्राष्ट्रिय टी–२० शृङ्खलाको दोस्रो खेलमा पनि नेपाल पराजित भएको छ ।
त्रिवि क्रिकेट मैदान कीर्तिपुरमा आज भएको खेलमा नेपाल थाइल्यान्डसँग चार विकेटले पराजित भएको हो ।
एक सय दुई रनको लक्ष्य पछ्याएको थाइल्यान्डले १९ ओभरमा ६ विकेटको क्षतिमा लक्ष्य भेटाएको हो ।
टस जितेर पहिले ब्याटिङ गरेको नेपालले निर्धारित २० ओभरमा नौ विकेटको क्षतिमा एक सय एक रन बनाएको थियो ।
शृङ्खलाको पहिलो खेलमा नेदरल्यान्ड्ससँग नेपाल २० रनले पराजित भएको थियो ।
प्रकाशित मिति: शनिबार, माघ १९, २०८१, १५:५६
