परासी । नवलपरासी पश्चिमको सामुदायिक रेडियो परासी ९०.२ मेगाहर्जले फागु पूर्णिमाको अवसरमा स्थानीय कलाकारसँग होली मनाएको छ ।
स्थानीय भोजपुरी कलाकार हरिलाल यादवको नेतृत्वमा रेडियो स्टेशनमै विभिन्न गीतसङ्गीतका साथ होली मनाइएको हो ।
कलाकार यादवले उलारा शीषर्कमा गीत गाउँदै रेडियो परासीमार्फत होलीको शुभकामना व्यक्त गर्नुभयो ।
होली पर्व पहाडमा आज र तराई मधेशमा भोलि मनाउने गरिन्छ । अघिल्लो राति होलिका दहन गर्ने र भोलिपल्ट एकापसमा अनेकौँ रङ्गहरु दलेर फागु—होली खेल्ने प्रचनल रहिआएको छ ।
प्रकाशित मिति: बिहीबार, फागुन २९, २०८१
