काठमाडौँ । झापा जिल्लाको बुद्धशान्ति गाउँपालिका–४ स्थित मेची राजमार्गबाट सशस्त्र प्रहरीले करिब १६ सय ३६ किलो गाँजासहित दुई वटा ट्रक नियन्त्रणमा लिएको छ ।
नियन्त्रणमा लिइएकाहरुमा धनकुटा जिल्लाको सहिदभूमी नगरपालिका–४ बस्ने महेश राई र ईलाम जिल्लाको माईजोगमाई गाउँपालिका–२ बस्ने ३७ वर्षिय गङ्गाबहादुर बस्नेत छन् ।
इलामबाट झापातर्फ आउँदै गरेको को १ ख ५००१ र प्र १–०२–००२ ख ०५८४ नम्बरको मिनि ट्रकलाई विशेष सूचनाको आधारमा नम्बर १ बराह बाहिनी मुख्यालय र नम्बर २ गण झापा मातहत सुरक्षा वेश टिमाइबाट खटिएको संयुक्त सुरक्षा फौजले जाँच गर्दा ५७ वटा बोरामा राखेर ल्याउँदै गरेको गाँजासहित उनीहरूलाई नियन्त्रणमा लिइएको सशस्त्र प्रहरीको मुख्यालय हलचोकले जनाएको छ ।
उनीहरूको साथबाट ८७ हजार ८ सय ८० रुपैयाँ र ५ थान मोवाइल सेटसमेत बरामद भएको छ ।
नियन्त्रणमा लिइएकाहरूलाई बरामद गाँजा तथा ट्रकसहित आवश्यक कारबाहिको लागि सम्बन्धित निकायमा बुझाइएको जनाइएको छ ।
प्रकाशित मिति: शनिबार, चैत ९, २०८१
