काठमाडौँ । नेपालमा माछा लगायतका सामुन्द्री जीवको आयात ३० प्रतिशतले घटेको छ ।
भन्सार विभागको तथ्याङ्कअनुसार ४ वर्षमा विदेशबाट माछालगायत खानको लागि प्रयोग गरिने समुन्द्री जीवको आयात ३० प्रतिशतले घटेको हो ।
चालु आर्थिक वर्षकौ ८ महिनामा ७७ करोड १५ लाख ६८ हजार रुपैयाँको माछा र समुद्री जीव आयात गरिएकोमा आर्थिक वर्ष ७८/७९ मा भने १ अर्व ११ करोड ९४ लाखको माछा र समुद्री प्रजाती आयात गरिएको थियो ।
विभागकाअनुसार यसमा माछाको आयात भने निकै कम छ । टुना माछा, गङ्गटो, अक्टोपस प्राउन साल्मोन माछाको आयात बढिरहेको छ ।
तर साधारण माछामा भने नेपाल आत्मनिर्भर हुदै गएको तथ्याङ्कले देखाएको छ ।
केन्द्रीय मत्स्य प्रवर्धन तथा संरक्षण केन्द्रकाअनुसार नेपालमा माछाको कुल मागको करिब ९० प्रतिशत स्वदेशी उत्पादनको प्रयोग हुने गरेको छ ।
केन्द्रका मत्स्य विकास अधिकृत सुवास कुमार झाले माछामा आत्मनिर्भरका लागि काम पनि भइरहेको जानकारी दिनुभयो ।
कृषि तथा पशुपन्छी विकास मन्त्रालयको तथ्याङ्क अनुसार वार्षिक औसतमा १ लाख ३ हजार ४ सय २६ मेट्रिक टन माछा उत्पादन हुन्छ ।
केन्द्रीय मत्स्य प्रवद्र्धन तथा संरक्षण केन्द्रले नेपालमा वार्षिक रुपमा औसत ५ हजार २ सय मेट्रिक टन माछा आयात भएको जनाएको छ ।
प्रकाशित मिति: सोमबार, चैत ११, २०८१
