रामेछाप । रामेछापको रामेछाप नगरपालिका ५ को ठिङग्रे,चुकिया र स्वाङग्रा गाउँमा आगलागी हुँदा ५ वटा घरगोठ जलेर नष्ट भएको छ ।
आज दिउँसो बस्ती नजिकै जङ्गलमा लागेको आगोले ५ वटा घरगोठ जलेर नष्ट भएको वडाअध्यक्ष हरिशचन्द्र श्रेष्ठले जानकारी दिनुभयो ।
आगलागीबाट २ वटा घर र ३ वटा गोठ पूर्ण रुपमा जलेको उहाँले बताउनुभयो ।
आगलागीबाट मानविय क्षति नभए पनि ५ वटा खसीबाख्रा र स्थानीयबासीको घर भित्र रहेको अन्नपात,लत्ताकपडा,भाँडावर्तन सबै जलेको वडाअध्यक्ष श्रेष्ठले बताउनुभयो ।
चुकिया गाउँका ५ घर आगलागीको उच्च जोखिममा रहेको वडाअध्यक्ष श्रेष्ठको भनाइ छ ।
प्रकाशित मिति: मंगलबार, चैत १२, २०८१
