काठमाडौँ । प्रधानमन्त्री केपी शर्मा ओलीले नेपाल विद्युत प्राधिकरणको कार्यकारी निर्देशकबाट पदमुक्त गरिएका कुलममान घिसिङका पक्षमा भइरहेका आन्दोलन र अभिव्यक्तिलाई नचाहिएको विषय भन्नुभएको छ ।
महिला उद्यमी महासङ्घको आठौँ अन्तर्राष्ट्रिय महिला उद्यमी व्यापार मेलाको आज ललितपुरमा उद्घाटन गर्दै प्रधानमन्त्री ओलीले एक निकायको कर्मचारी हेरफेरको सवालमा सदन अवरुद्ध गर्नु गलत भएको टिप्पणी गर्नुभयो ।
यही चैत १८ गतेभित्र अध्यादेशहरूलाई प्रतिस्थापन गर्ने विधेयक पारित गर्ने स्थितिमा त्यसलाई प्रभावित पार्न सदन अवरुद्ध गरिएको उहाँको भनाइ थियो ।
भोलि चैत १५ गते काठमाडौँका दुई स्थानमा हुने जुलुस र सभाका बारेमा पनि अतिरञ्जित गरेर व्याख्या गरिएको प्रधानमन्त्री ओलीले बताउनुभयो ।
प्रकाशित मिति: बिहीबार, चैत १४, २०८१
