पाल्पा । पाल्पाको रैनादेवी छहरा १ सिद्धेश्वरमा गएराति भएको जिप दुर्घटनामा ३ जनाको मृत्यु भएको छ ।
सिद्धेश्वरको असारे जङ्गलमा लागेको डढेलो निभाउन गएका व्यक्तिहरू चढेको जिप दुर्घटना हुँदा तीन जनाको मृत्यु भएको जिल्ला प्रहरी कार्यालय पाल्पाका सूचना अधिकारी सुनिल मल्लले जानकारी दिनुभयो ।
सर्वोत्तम सिमेन्टको खानी नजिकै जिप १ सय ५० मिटर तल दुर्घटना हुदा रैनादेबी छहरा गाउँपालिका १ असारेका २३ वर्षीय जनक रेग्मी, ३६ वर्षीय दीपेन्द्र बुढा र ३१ वर्षीय चेतनारायण विकको मृत्यु भएको जिल्ला प्रहरी कार्यालय पाल्पाले जनाएको छ ।
दुर्घटनामा घाइते भएका चालक २७ वर्षीय रन्जन रेश्मी र २३ वर्षीय सरोज बुढाको तानसेनमा रहेको युनाईटेड मिशन अस्पतालमा उपचार भइहेको छ ।
उकालोमा ब्रेक फेल भएर दुर्घटनामा परेको प्रारम्भिक अनुसन्धानमा देखिएको र घटनास्थलको थप अनुसन्धान भइरहेको प्रहरीले जनाएको छ ।
प्रकाशित मिति: सोमबार, वैशाख १५, २०८२
