जाजरकोट । जाजरकोटका स्रष्टा जनक केसीद्वारा लिखित ‘हाम्रो जाजरकोट’ पुस्तक सार्वजनिक गरिएको छ ।
जाजरकोट सदरमुकाम खलंगाबजारमा आयोजित कार्यक्रममा जिल्ला समन्वय समितिका प्रमुख कालिबहादुर खत्रीले उक्त पुस्तक विमोचन गर्नुभएको हो ।
पुस्तकमा जाजरकोट जिल्लाको परिचयसहित विभिन्न जानकारीमूलक सामग्री समावेश गरिएको लेखक केसीले बताउनुभयो ।
आफूले सम्वन्धित विषयका इतिहासका जानकारसँगै भेटेर सूचना सङ्कलन गरेर पुस्तक तयार पारेको जानकारी गराउनुभयो ।
‘हाम्रो जाजरकोट’ पुस्तक प्रकाशनमा महत्वपूर्ण सहयोग गर्ने कुशे गाउँपालिकालाई उहाँले धन्यवाद दिनुभयो । जाजरकोट सम्पदा संरक्षण प्रतिष्ठान प्रकाशन रहेको पुस्तक १ हजार प्रति प्रकाशन गरिएको छ ।
पुस्तकको समीक्षा भेरी ज्ञानोदय क्याम्पसका पूर्व क्याम्पस प्रमुख चन्द्रबहादुुर बुढाले गर्नुभएको थियो ।
पुस्तकमा प्रयोग भएका धेरै शव्दहरूमा स्थानीय भाषा शव्दका लय भए पनि ‘इन्छ’ प्रत्य लागेर ‘बनाइन्छ’ , ‘गराइन्छ’ जस्ता शव्दहरू बोलेका शव्दहरूलाई समावेश गरिएकोले पाठकलाई स्वाद फरक लाग्न सक्ने बुढाको भनाइ छ ।
जिल्ला समन्व्य समितिका प्रमुख कालिबहादुर खत्रीले पुस्तकले जिल्लाको परिचय गराउन थप भूमिका खेल्ने अपेक्षा राखेको बताउनुभयो ।
पुस्तक प्रकाशनमा रात दिन लाग्ने लेखक केसीको मेहेनत महत्वपूर्ण भएको भन्दै आफूहरूले सहयोग गर्नुपर्नै ठाँउमा निरन्तर सहयोग गर्ने उहाँको भनाइ थियो ।
प्रकाशित मिति: सोमबार, वैशाख १५, २०८२
