काठमान्डु । लोक गायक मौसम गुरुङको नयाँ गीत बर्षा आँशु सार्वजनिक भएको छ । दुइ दिन अघि सार्वजनिक भएको गीतलाई दर्शक श्रोताहरुले राम्रो प्रतिक्रिया दिइरहेका छन् ।
पछिल्लो समयका चर्चित गायक गुरुङ र गायिका धनमाया दिवस मगरको आवाज रहेको गीतलाई वीरेन्द्र कुमार थापाले बजारमा ल्याउनुभएको हो ।
गीतमा ओम छिनालको शब्द रहेको छ भने लय पनि छिनालकै रहेको छ । यस गीतको भिडियोलाइ डि आर सुजनले निर्देशन गर्नुभएको हो ।
गीतमा महेन्द्र गौतम, साया भण्डारी, चन्दा बिडारी, राजु गैरे लगायतले अभिनय गरेका छन् ।
माया प्रेमको भाव समेटिएको गीत बिछोडको वरिपरि केन्द्रीत रहेको छ । गीतबाट धेरै अपेक्षा गरेकाले सुनेर, हेरेर प्रतिक्रिया दिन गाएक गुरुङले सबैलाई आग्रह गर्नुभयो ।
गुरुङले यस अघि सुन कथा, हारे मैले, बैना, भेट्ने दिन, खोली छेकेर लगाएत दर्जनौ गीतहरुमा आवाज दिनुभएको छ ।
प्रकाशित मिति: आइतबार, भदौ २२, २०७६, १९:४६
