काठमाण्डौ । काठमाण्डौको नयाँबजारस्थित अक्सफोर्ड माध्यामिक विद्यालयले आफ्नो स्थापनाको १५ औ बार्षिक उत्सब तथा अभिभावक दिवस मनाएको छ ।
अभिभावक दिवसको अवसरमा आयोजित कार्यक्रममा विद्यार्थीहरुले आ आफ्ना प्रतिभा प्रस्तुत गरेका थिए । सास्कृतिक कार्यक्रममा विद्यार्थीहरुले चेतनामूलक नाटक, कविता, नाँच तथा गीतहरु प्रस्तुत गरेका थिए । २०६० सालमा स्थापना भएको विद्यालयमा ८ सय जना विद्यार्थीहरु अध्ययनरत रहेका छन् ।
विद्यालयका अध्यक्ष तथा कार्यकारी निर्देशक भोला ढकालले विद्यालयले कम शूल्कमा गूणस्तरिय शिक्षा प्रदान गर्दै आएको बताउदै यस्ता कार्यक्रमबाट विद्यार्थीको प्रतिभा प्रस्फुटनमा सहयोग पुग्ने बताउनुभयो । विद्यालयले पढाईको अलवा अतिरिक्त क्रियाकलापलाइ पनि जोड दिदै आएको ढकालले बताउनुभयो ।
कार्यक्रममा विद्यार्थी, शिक्षक, अभिभावक तथा अरु सरोकारवाला व्यक्तिहरुको सहभागिता रहेको थियो ।
प्रकाशित मिति: शनिबार, फागुन ११, २०७५, १९:४३
