गुल्मी ।
गुल्मीको चन्द्रकोटमा एक महिलासहित दुई बालिका मृत भेटिएका छन् ।
चन्द्रकोट गाउँपालिका ३ हरराचौरमा तीन जनाको शव फेला परेको हो ।
आज बिहान एक महिला र दुई बालिकाको शव फेला परेको प्रहरीले जानकारी दिएको छ ।
महिलाको शवबाट एउटा बालिकाको शव दुईसय मिटर र अर्को बालिकाको शव दुईसय ३० मिटरको दुरिमा फेला परेको जिल्ला प्रहरी कार्यालय गुल्मीका सूचना अधिकारी मीनबहादुर घलेले जानकारी दिनुभयो ।
महिला अन्दाजी २७ र बालिकाहरु एउटा ७ र अर्को करिब ११ बर्षका रहेका घलेले बताउनुभयो । घटनास्थल सरमुकामबाट साढे ५ घन्टाको सवारी दुरिमा रहेको प्रहरीले जनाएको छ ।
अहिले इलाका प्रहरी कार्यालय चन्द्रकोटको टोली घटनास्थल पुगेको छ ।
जिल्ला प्रहरी कार्यालय गुल्मीका प्रहरी निरीक्षक राजकुमार रावल नेतृत्वको प्रहरी टोली पनि घटनास्थल तर्फ लागेको प्रहरी नायब उपरीक्षक घलेले जानकारी दिनुभयो ।
प्रकाशित मिति: शनिबार, कात्तिक १६, २०७६, १३:३८
