सामुदायिक रेडियो प्रसारक संघ गण्डकी प्रदेशका कोषाध्यक्ष पवन पौडेलले अन्तराष्ट्रिय अवार्ड प्राप्त गर्नुभएको छ ।
नेदरल्यान्डको राजधानी एम्स्टर्डममा भएको विश्व युवा सम्मेलनमा नेपालबाट सहभागी पौडेलले उत्कृष्ट अवार्ड प्राप्त गर्नुभएको छ । श्रृजनशिल युवा मञ्चका अध्यक्ष समेत रहनुभएका पौडेलले कार्यक्रममा दिएको विचार र मिडिया सामग्रीका आधारमा उत्कृष्ट अवार्ड दिएको सम्मेलनको आयोजक युथ टाइमको जुरी समितिकी संयोजक युलिया गतस्ताइनले अवार्ड समारोहमा घोषणा गर्नुभयो ।
पौडेललाइ अवार्डका साथमा आगामी सम्मेलनमा सहभागिताको अवसर मिलेको छ । विश्वभरका ३५ देशका ६५ सहभागी मध्ये उत्कृष्ट सहभागी सम्मेलन ६ दिनसम्म चलेको थियो ।
सम्मेलनमा परिवर्तित समयमा समानुपातिक विकास र नयाँ उन्नत आधुनिक प्रविधिको बारे चर्चा भएको थियो । सो अवसरमा विश्वभरका युवाका आधुनिक प्रविधिमा आधारित योजना प्रस्तुत गरिनुका साथै केहीलाई आयोजकले अनुदान दिने घोषणा गरेको छ । पौडेल, तनहुँको दमौली एफ एममा कार्यरत हुनुहुन्छ ।
प्रकाशित मिति: मंगलबार, मंसिर २४, २०७६, १४:५४
