काठमाडौं ।
गोरखा भिमसेनथापा गाउँपालिकाका गोकर्णप्रसाद ढकाल उमेरले ५२ पुग्नुभयो । छाला, पेट र मुटु सम्बन्धी समस्या भएपछि उहाँ उपचारका लागि काठमाडौंको वीर अस्पताल आइपुग्नुभएको छ ।
एक पटक अस्पताल जाँदा जिल्लामै १० देखि १२ हजार खर्च गर्नुभएका ढकालले काठमाडौंमा कति खर्च लाग्ने हो ? भेउ पाइसक्नु भएको छैन ।
काठमाडौं बबरमहल बस्ने बुद्ध ल्वागुन, मिर्गौलामा पत्थरीको समस्या भएपछि वीर अस्पताल धाइरहनु भएको छ ।
हरेक नागरिकले वर्षभरिमा करिब ६ हजारका दरले स्वास्थ्य उपचारमा झन्डै १६ अर्ब खर्च गर्छन् । राज्यले त्यसको कैयौं गुणा कम मात्रै लगानी गरिरहेको छ ।
उपचारमा सबैभन्दा कम लाग्ने मानिएको वीरमा एक पटकको जाँचका लागि मात्रै उहाँको एक हजार खर्च भयो । तर, ४ पटकसम्म अस्पताल धाउँदा पनि अहिलेसम्म सिटी स्क्यान पनि हुन सकेको छैन ।
सिन्धुलीका अनिशा अधिकारीको पाठेघरमा समस्या भएर उपचार गराउन काठमाडौं आउनुभयो । काठमाडौंको नर्भिक अस्पतालमा उपचारका लागि जाँदा ६÷७ वटा जाँच डाक्टरले लेखेछन् । ५ हजार तिर्नुभयो, तर धेरै उपचार बाँकी नै छ ।
स्वास्थ्य सेवामा प्रत्येक नागरिकको समान पहुँच, आधारभूत स्वास्थ्य सेवा निःशुल्क, कोही पनि नागरिक आकस्मिक स्वास्थ्य सेवाबाट वञ्चित नहुने ग्यारेन्टी राज्यले गरेको छ ।
विश्व स्वास्थ्य संगठनको अध्ययनअनुसार ६ गरिबमध्ये एक जना स्वास्थ्योपचारकै कारण गरिब भएको पाइएको छ । त्यसरी गरिब हुनेमा जनताको गोजीबाट स्वास्थ्यमा खर्च गर्ने नेपालजस्ता मुलुक नै बढी छन् ।
संविधानको भाग ३ मौलिक हक र कर्तव्य अन्तरगत धारा ३५ मा मौलिक हकले स्वास्थ्य सेवालाई जनताको अधिकारको रूपमा स्थापित गरेको छ । तर, गोजीमा पैसा भएमात्रै उपचार पाइने अवस्था छ ।
हरेक नागरिकले वर्षभरिमा करिब ६ हजारका दरले स्वास्थ्य उपचारमा झन्डै १६ अर्ब खर्च गर्छन् । राज्यले त्यसको कैयौं गुणा कम मात्रै लगानी गरिरहेको छ ।
विश्व स्वास्थ्य संगठनको अध्ययनअनुसार ६ गरिबमध्ये एक जना स्वास्थ्योपचारकै कारण गरिब भएको पाइएको छ ।
त्यसरी गरिब हुनेमा जनताको गोजीबाट स्वास्थ्यमा खर्च गर्ने नेपालजस्ता मुलुक नै बढी छन् ।
अडियो सुन्नुहोस् :
प्रकाशित मिति: बिहीबार, माघ २, २०७६
